تطورات فايروس كورونا
فايروس كورونا و آخر تطوراته COVID-19
الله لا يأتى إلا بخير .. فرصة كورونا لا تعوض
فالوباء و البلاء لا ينزل إلا بذنب و لا يُرفع إلا بتوبه فتوبوا إلى ربكم و استغفروه
فالمعاصى و الذنوب تُزيل النعم و الخيرات
استغفر الله العظيم و أتوب إليه و لا حول و لا قوة إلا بالله
كورونا ربنا يحفظ الجميع منه له حسنات و خيرات كثير ….
لكن محتاجين نركز على ايجابياته … الله أعلم بعباده و لولا كورونا مكناش
اتأملنا نفسنا لما تغلق المساجد ده تحذير عشان تاركى الصلاة و المقصرين ينتبهوا لما تتفتح … غلق المسجد الحرام و النبوى عشان نفوق من الكبائر و الحرام بكل أشكاله اللى كثير حللوه لدرجة إنه بقى أسلوب حياة و عادى و اللى يتكلم بيتعامل بتهكم و يحتكر و يتسفه و يتعامل بمبدأ اخرجوا آل لوط من قريتكم إنهم أناس يتطهرون … عشان نعرف إن لينا أهل و أولاد و زوجات مش كفاية إننا نشوفهم على النوم و الحياة كلها شغل و فيه أرحام لازم تتوصل
و إن الشغل ليل نهار عشان العيشة و عشان نعمل حاجة و نأمن العيال كله ملهوش لازمة فى لحظة فايروس وقف الحياة كأنها يوم القيامة و فزع و جزع و خوف على الأرزاق و الأنفس و الذرية ومحدش هيأخد حاجة معاه حته قطنة و مترين قماش ….
و عشان نعرف إن الباقيات الصالحات هى الأساس ده اللى هتفضل و هنقابل بيها ربنا … و إن العالم المتقدم اللى وصل الفضاء و اشترى كل حاجة و عمل كل حاجة بفلوسه وظن إن العلم و التكنولوجيا لغى وجود ربنا .. و بقى بيتصرف بمبدأ قارون إنما أوتيه على علم عندى فى لحضة مئات الآف بيموتوا و يمرضوا ولا عارفين ينقذوا نفسهم و لا اقتصادهم و بيختطفوا من بعض صفقات الكمامات و أجهزة التنفس الصناعى … تحسبهم على قلب رجل واحد و قلوبهم شتى بانت فى لحظة .
كل الكلام اللى اتعلمناه و اللى هنتعلمه بيتلخص فى اليومين دول نعرف نفسنا كويس نقومها نعاالج أمراضها … نفهم اللى حوالينا ونعيد تقييم الأمور بيبان فيهم الأصيل و اللى بيتحمل المسئولية و اللى طيب بطبعه و اللى غير كده
فرصة نتوب و ننوب لربنا لعله يتوب علينا و يرفع مقته و غضبه عنا
رابط منظمة الصحة العالمية باللغة العربية لمتابعة تطورات فايروس كورونا عالميا
https://www.who.int/ar
كاتب المقال / أ تامر محمد فوزى
واحة التميز للتدريب
